NEGOZIOA ERAKARRI NAHI DUT
Inbound Marketina
Lead-ak erakarri eta bihurtu
Inbound Marketina marketineko ekintzak, tresnak eta kanalak estrategia bakar baten inguruan uztartzen dituen metodologia eraginkorra da, horien errendimendua maximizatu eta zure enpresaren salmentei bultzada erabakigarria ematea xede duena.
Kezkatuta al zaude zure marketin-estrategiarekin emaitza hobeak lortu eta salmenta-sailari hobeto laguntzeko moduaz?
Inbound Marketina zure bezero idealarentzat pertsonalizatutako baliozko edukiaren sorkuntzan oinarritutako soluzioa da.
EMAITZAK LORTZEKO 4 URRATS
Utziozu publikoari zugana hurbiltzen. Behar duzun audientziaren arreta lortu eduki egokia sortuz eta une egokian publikoaren eskura jarriz. Zure Buyer Pertsona nor den eta nolako kezkak eta arazoak dituen zehaztu ondoren, haren galderei eta beharrei erantzungo dieten edukiak sortuko ditugu.
Honela, keyword eraginkorrenak aurkituko ditugu, SEOren laguntzaz emaitzarik onenak lortu ahal izateko. Eduki hauek zure estrategia komertzialari eta zure negozioaren hazkundeari eusteko orientazio estrategikoa izango dute.
‘Kontaktu’ berriak ‘erakarri’ ditugu dagoeneko. Beste aurrerapauso bat eman eta lead bihurtzeko unea iritsi da. Inbound Marketinean esaldi ezin egokiagoa dago horretarako: lehendabizi eman, balioa eskaini; ordaina geroxeago etorriko da.
Edukiak intentzio argia izan behar du, eta zure Buyer Pertsonari lagundu behar dio erosketa-zikloaren (Buyer Journey) fase guztietan. Zure helburua ez da denborapasa eskaintzea, zure sektoreko erreferentziazko liderra izatea baizik.
Call to action egokiek eta dagokien landing page edo lurreratze-orrialdeak balio-proposamena eskaintza erakargarria bihurtzen lagunduko digute. Eta datuak eskuratzen lagunduko digute.
Lead-a dugu dagoeneko. Landarea ‘ureztatzen’ eta ongarri egokiaz elikatzen jarraitu behar da, marketina automatizatzeko Lead Nurturing-a bezalako tekniken bitartez.
Garrantzi handikoa da jakitea erosketa-prozesuko –Buyer Journey– zein fasetan dagoen kontaktu hau, bere beharrizan zehatzei ongien erantzugo dien eduki bat landu ahal izateko. Horretarako, workflow bat ezarri eta kontaktu hori kualifikatuz joango da –Lead Scoring–.
E-maila oso tresna baliagarria izango da prozesu honetan. Helburua, lead-a erosteko erabakiaren aurreko egoerara bultzatzea da.
Kontaktua bezero bihurtu da dagoeneko, baina horrez gain, zure preskriptorea izatea nahi dugu. Ez gara mugatuko produktua edo zerbitzua saltzera, baizik eta komunikazio-hari irekia mantenduko dugu.
Informazioa igortzen jarraituko dugu, bezeroak erosten jarraitzea nahi dugulako eta beharrezkoa delako beti zure markaz ondo hitz egingo duten “enbaxadoreak” izatea.
Zure helburuekin bat eginda dihardugu. Estrategia batek ez du balio, emaitzak neurgarriak eta zenbagarriak ez badira, eta egindako ahalegina eta inbertsioa justifikatzen ez badute.
ROI delakoa dugu estrategiaren eraginkortasuna eta funtzionatu duen ala ez adieraziko digun termometroa. Inbound Marketinak emaitzak eskaintzen dituenean baino ez du balio, eta emaitza objektibagarriak izan behar dute. Inbertsioak ez badu itzulkinik, hobe beste helburu baterako erabiltzea.
GUK-EN IKUSPEGIA
- Inbound Estrategiaren definizioa
- Prestakuntza
- Benchmarking
- Buyer Pertsonaren definizioa
- Keyword Research
- Edukien Auditoretza eta Estrategia
- Blogging-a (egutegia eta edukien sorkuntza)
- Social Media Plan eta Sare Sozialen Kudeaketa
- Marketinaren automatizazioa eta Lead Nurturing delakoa
- Neurketa eta ebaluazioa (KPI’s eta ROI)
